الزوجة التي اهداها زوجها سيارة “حق الملح ” ترد على سمير الوافي …

كتب سمير الوافي :
السيدة اللي هدالها راجلها السعودي كرهبة مكتوب عليها ” حق الملح “…ردت علي في إي أف أم مع الزميلة الراقية زينب المالكي…وردها كان محترما لكنها فاجأتني…!!!
ربي يهنيك أختي…وربي يخليلك طويل العمر…ويزيد يهديلك حق الفلفل الأكحل ومعاه حق التابل والكروية بعد الملح…أما انت على الأقل لا طيبتلو لا ملحتلو وموش موجود بحذاك في رمضان كيما قلت…لذا الهدية متاعو سميها اللي تحب الا ” حق الملح “…لأنو فكرة ” حق الملح ” ومعانيها هي الاعتراف بالجميل لزوجة دللت زوجها وتعبت من أجله ومن أجل عائلتها في رمضان بالذات…أما أنواع الهدايا الأخرى فتنجم تكون لأسباب أخرى منها الحب والعشرة والدلال والمودة…وهدية طويل العمر من ذلك النوع…أما انت دزيت بيها فازتك…وعملت بيها عملية تهييج وحملة تحريض ضد الرجال التوانسة اللي أغلبهم من نوع طويل اللسان اللي ما عندوش ثروة طويل العمر…وربي يفضلكم لبعضكم…