محسن مرزوق: …والله ما تحشموا!

أبدى رئيس حركة مشروع تونس محسن مرزوق غضبه الكبير اليوم من تراتيب الحجر الصحي الشامل، منتقدا السماح للمساحات التجارية الكبرى بمواصلة نشاطها وفتح أبوابها مقابل منع انتصاب الأسواق اليومية….ودعا مرزوق إلى العصيان المدني حيث كتب يقول:
والله ما تحشموا! إنتم مسؤولين الغلبة الي في سياستكم للحجر الصحّي سمحتم بحلّ الفضاءات التجارية الكبرى الي هي فضاءات مغلقة مناسبة للفيروس وسكرتوا الاسواق المفتوحة الي فيها اكثر ضمانات صحية وأقل مخاطر.
الفرق انه المساحات الكبرى عندها اشكون يدافع عليها وانتم “اترطروا” بالخوف وبالطمع منهم
والأخرين الي فيهم تجار صغار ومتوسطين “تتبوربوا” عليهم وتحرموهم من رزقهم وتحبوا تفلسوهم
معناها مغازة كبيرة مسكرة تحلوها وسوق حوت صفاقس مثلا كيف أسواق مفتوحة أخرى تسكروهم ؟
وهذي تسميوها سياسة صحية ومتناسقة ومعقولة؟
والله ما تحشموا
وما يصلح معاكم كان المقاومة
وما تخلقوا كان في ظروف العصيان المدني