نقشة: إلى علي الحفصي …بدل مراياتك …

كتب: أبو زياد  

احنا بكلنا اللي نظنو ان العلاقة بين رئيس الدولة ورئيس الحكومة متوترة …ومقطوعة …ومتوقفة …ومزمرة «خلاص» تبين اننا غالطين على طول الخط …وسي علي الحفصي هو الوحيد الذي يعرف حقيقة العلاقة بين الرجلين فلقد اعلن اليوم في توزر ان لا مشكل بين قيس سعيد والمشيشي وان ما بينهما لا يزيد عن اختلاف في وجهات النظر …

بسيطة يعني …وحكاية ما عندهاش معنى …هكة سيدي علي يحب يفهمنا خاطر احنا الله غالب علينا هو الوحيد اللي فاهم واحنا اللي موش فاهمين …وانا بكل لطف نحب نسال سيدنا علي : اذا كان الموضوع بينهما مجرد اختلاف في وجهات النظر وضرب البلاد بالشلل …واساء الى سمعتها …وقسم الناس الى فريقين …أما لا لو كان بينهما مشكل  ماذا كان سيقع فينا …سيدي علي سامحني نطلب منك تبدل المرايات باش تشوف مليح …وبصورة أوضح …