نقشة: سي حسن الزرقوني…سخنت عليه القايلة؟؟؟

كتب: أبو زياد

ما اقواه سي حسن الزرقوني …في رمشة عين ينجم يطلعك للسماء …والعكس صحيح …انه قادر أكثر من عبد القادر …هكة لا طاح لا دزوه ولى عبد اللطيف المكي الاول في نوايا التصويت …بربي كيفاش هاذي تجد حتى على عبد اللطيف المكي بيدو …اش عمل ؟ ..اش أنجز ؟ ..اش قدم للشعب؟  

بالله كيفاش راجل يعمل في شوية تصريحات من تلفزة للتلفزة …ومن  اذاعة لاذاعة …يصبح هو الاول عند التوانسة ويفكرو باش ينتخبوه ويولي رئيس جمهورية …شوف حاجة من اثنين اما ان سي الزرقوني سخنت عليه القايلة …وإما احنا ضيعنا البوصلة؟؟؟؟…