نقشة: وزير حليلتو…يقتل …يهبل …

كتب: أبو زياد  

فيسع فيسع دارو عليه دورة كلبة …هاك النهار فرحانين بيه و وين نحطك يا طبق الورد …وهات يا تمجيد …وهات يا تطبيل …وهات يا تلوسيق …وهات يا «سيلفيات» …وهات يا غزل عيني عينك …اوه حليلتو …اوه قداش مزيان …يقتل …يقتل …اخزر لعينيه ادوخ …يهبل …يهبل … اوه صغير برشة السخطة …

كل ها الهالومة اللي عملوها نهار اللي ولى وزير امسح مات …اليوم تقلبو عليه …اليوم لا زين ولا عين …علاش ها الانقلاب ؟؟؟ 

قال اشنوة ..قالك يتشخلع في البحر… وساهر الحلوف في اوتيل 5 نجوم…ايه عاد ما شفتوه كان توة …ياخي هو اش كان يعمل …وغيرو اش قاعدين يعملو ؟؟؟ بالله جاوبوني …والا تعرفوش كيفاش هاني ضميت صوتي لاصواتكم وضميت فمي …