ما لم يقله رئيس الجمهورية : شنوّة باش تعملو في الحجر ؟ باش تخففوه ؟؟ وقتاش وكيفاش وعلاش ؟؟؟

31 مارس 2020  (20:56) صالون الصريح

كتب د. ماهر العباسي :
مرّة أخرى رئيس الجمهورية يخرج باش يقول كلام عام ماعندو حتى تنزيل على أرض الواقع . يلزم الفخفاخ يخرج يتكلّم خاطر هكة موش معقول :
* شنوّة باش تعملو في الحجر ؟ باش تخليوه حجر صحي عام ؟ باهي طبقوه مالا على قاعدة ؟ خاطر حجر عام العباد ماتمشيش تخدم أما تحوّس في الشوارع إسمو الميت وخسارة الكفن .
* باش تخففوه ؟؟ وقتاش وكيفاش وعلاش ؟؟؟ كلّمو الناس فسرولهم أعطيوهم أمل حتى على مدى جمعتين المهم مدولهم حبل يشدو فيه شجعوهم .. أحكيولهم على الإيجابيات متاع الحجر كل سياسة في العالم فيها العصا والجزرة ماتنجمش تقلو شد دارك شهر آخر ماكانش باش تموت خاطر يقلك خليني نخرج ونموت . الحكاية مازالت مطوّلة الإستراتيجية الأولى متاعنا عطات إلى حدّ الآن نتائج ممتازة ولكن رانا ما إنجموش نكملو بيها مدّة طويلة يلزمنا نخممو في إستراتيجية للأسبوعين الجايين وإستراتيجية أخرى للأسبوعين إلي بعد . ويلزم قرارات شجاعة وفي وقتها لا تكون مزروبة نخسرو بيها الي عملناه ولا تكون متأخرة نخسرو بيها البلاد .