مواطن يقول لكم : حكومة المشيشي باش ادللكم ...صحة ليكم ...

21 نوفمبر 2020  (14:27) صالون الصريح

انا مواطن من وراء البلايك رغم انف مريم الدباغ مانزيد عليكم الا بالصبر نحب نهنيكم اليوم بحكومة سي المشيشي اللي ادلل فيكم واللي تستجيب لكل طلباتكم ...انتوما اطلبو وهي تعطيكم ...وتقول لكم حاضر ...المهم انتوما تقولولها اش تحبو ...تحبو زيادة في الشهرية ...تحبو منحة ...تحبو ماتخدموش ...تحبو ضوء ...ماء ...دواء ...تخفيض في الاسعار ...تبنيو من غير رخصة ...تسكرو الطرقات .. تسكرو " الفانة "... اللي تحبو الله يبارك ....المهم ترضاو على الحكومة ...وتريضو اللعب ...وتحيا الكامور ... مع تحيات مواطن من وراء البلايك ...